Супер високите температури кои преовладуваа во првите денови на септември од денеска се минато. Така велат од Хидрометеоролошкиот завод. Според нив, нискиот атмосферски притисок кој ќе циркулираа над Балканскиот Полуостров ќе ги намали температурите за 12 степени, а од четврток се очекува и дожд.
По овој датум температурите ќе паднат до 21 степен, но повторно ќе се кренат за 3-4 степени, иако нема да надминат 30 степени.
Од УХМР велат дека вакви високи температури во текот на септември биле регистрирани во 1946 година, кога во Демир Капија термометарот достигнал до 40,5 степени, а слична температура во тој град е измерена и вчера.
