Управата за хидромотелеоролошки работи (УХМР) денеска соопшти дека во попладневните часови на повеќе места ќе биде нестабилно со пороен дожд, грмежи и засилен ветер, локално и во форма на невреме со интензивен дожд и појава на град. Се очекува процесите да бидат почести во источните и во западните планински делови.
Подрачјето на Македонија се наоѓа под влијание на влажна и топла воздушна маса така што условите за нестабилност денеска попладне се особено поволни.
Претпладне ќе биде сончево и топло со мала до умерена облачност.
Температурата ќе се движи од 28 до 36 степени. УВ-индексот ќе изнесува 9.
Во Скопје претпладне ќе биде сончево со мала до умерена облачност, попладне и во вечерните часови нестабилно со пороен дожд, грмежи и засилен ветер. Дневната температура ќе достигне до 34 степени.
Од недела до вторник ќе преовладува стабилно време со слаб до умерен, а во понеделник повремено засилен северен ветер. Дневната температура ќе биде во благо опаѓање.
