Тројца српски државјани се застрелани денеска околу 12.30 часот во источниот дел на Валенсија. Како што јавуваат шпанските медиуми, постојат сомнежи дека професионален стрелец ги изрешетал Србите.
Еден од повредените е тешко ранет во стомак, додека другите двајца поминале со полесни повреди. По напаѓачот се уште се трага.
Шпанските медиуми наведуваат дека српските државјани, стари 36, 38 и 46 години, се застрелани со полуавтоматско оружје.
Напаѓачот бил во друштво на двајца помагачи. Иако идентитетот на учесниците во пукањето се уште не е познат, медиумите тврдат дека меѓу нив имало и државјанин на Украина.
Според шпанската полиција, постои сомнеж дека се работи за пресметка меѓу криминални групи.
