Конгресен центар “Александар Македонски” е новото име на Универзална сала. Промената на називот во Централниот регистар е направена на 8 јануари годинава. Се подготвува и нов веб сајт во кој ќе биде вметнато новото име на јавната установа.
Сегашниот објект има капацитет од 1568 седишта и важи за место каде се промовира културата и уметноста .
Од нејзината изградба далечната 1966 година до денес во Универзална сала се одржале над 5000 настани. Концерти, театарски, оперски и хуманитарни претстави, како и многу други културни и политички манифестации кои ги проследиле околу 7 милиони посетители.
Плановите за овој објект е да се урне и на негово место да се изгради ново здание во форма на јајце. Реконструкцијата се одлага неколку пати. Во иднина конгресниот центар Александар Македонски ќе има 2 сали ќе има голема до 3000 седишта и мала со околу 300 места како и простории за администрацијата.
