Утре во Охрид ден на жалост


Понеделник прогласен за ден на жалоста во Охрид по повод ненадејната смрт на градоначалникот Јован Стојаноски.На вонредната седница советниците со едноминутно молчење му одадоа почит на првиот човек на градот . Сите културни, спортски, забавни и други настани и манифестации закажани за утре се откажуваат.

Во седиштето на СДСМ Охрид отворена е книга на жалост во која граѓаните го изразуваа своето сочуство простувајќи се од Стојаноски и се одржа комеморативна седница на која беше потенцирано дека градот и партијата чиј член беше Стојаноски изгубија човек со бескрајна енергија,силна посветеност на работата и со јасна визија за градот со кој раководеше.

Граѓаните сеуште се во шок и неверување дека ја изгубил битката со животот тие преку телеграми и коментари на социјалните мрежи се простуваат од Стојаноски.

Градоначалникот Стојаноски беше оженет и татко на две деца.

Утре во општинската зграда ќе се одржи комеморативна седница а посмртните останки ќе бидат изложени од 12 до 14 часот во капелата на градските гробишта во Охрид.

Share Button
MK News

Автор инфо

No comments yet.

Остави коментар

UA-33057274-1