Патрола составена од членови на извидничкиот одред „ Пионер“ , викендов, при посета на националниот парк Галичица затекнаа непријатна глетка- искршени патокази и знаци, уништени од страна на несовесни посетители на паркот .
– Националниот парк претставува неизмерно богатство што ни го подарила природата.Сите ние понекогаш со гордост го кажуваме тоа,обично кога им го презентираме на некои наши гости, пријатели, од земјава и странство.Но, да се запрашаме колку ние го посетуваме,колку го познаваме,колку сме придонеле за тој да остане природен симбол на нацијата,и на крајот колку се грижиме за него, прашуваат од извидничкиот одред „ Пионер“
