Ракометарите на Вардар Про се новиот државен првак. Во преполната сала на СРЦ Кале тие го совладаа лутиот градски ривал Металург со 22:19.
Црвено црните по тензичен меч славеа со 22:19 пред своите навивачи во спортскиот центар Кале. Најзаслужен за победата беше вардаровиот голман Страхиња Милиќ кој имаше 11 одбрани од кои 3 пенали.
Со овој триумф Вардар Про ја сопре тригодишната доминација на екипата од Автокоманда. црвено-црните со оваа победа обезбедија директен настап во новата сезона во Лигата на шампини, што дојде како подобрување на рејтингот на земјава по големиот успех кој сезонава во Европа го постигна токму нивниот вечрашен противник.