Венчајте се на 7 септември – вечно ќе сте се сакале

Прогнозите на данските астролози дека седми септември е најсреќниот датум за венчавка годинава, не го зголеми барањата за склучување брак во земјава како што е случај во Бугарија, пишува „Вест“.

 Скандинавците тврдат де­ка на овој ден, во 10.35 часот позициите на планетите Марс и на Венера се особено пријатни за свадба.

Пред 15-ина дена, претставници на Градскиот совет на Копенхаген из­ја­ви­ја дека астролошките табели покажуваат оти луѓето што ќе се венчаат до­де­ка Венера и Марс се поредени, ќе бидат среќни засекогаш. Оттаму ин­фор­ми­раа дека астролог составил табела со која се покажува дека секој што ќе стапи во брак на 7 септември, кога Венера и Марс се поредени, ќе има вечна среќа.

“Две­те планети ја претставуваат женската и машката енергија во животот и во бракот”, напиша во хороскопот градскиот астролог Карл Аге Јенсен.

Македонските астролози се поделени околу тврдењата на колегите од Данска.

“Марс тој ден се наоѓа на 7 степени Лав, а седмиот степен е степен на Ва­га. Вагата е 7. куќа во природниот хороскоп и владее со бракот. Венера, ко­ја е природен владетел на Вагата, е 25. степен, односно на степен на Овен. Овенот во природниот хороскоп е прва куќа и означува почетоци, а со него владее Марс. Марс и Венера ги симболизираат мажот и жената. Мал­ку е комплицирано, но постои. Месечината во 10.35 часот е на 7 сте­пе­ни Вага, што би значело емотивна подготвеност за брак”, вели астрологот Ге­ор­ги­ев­ска.

Спо­ред матичните служби, во Скопје и во другите поголеми градови на овој датум нема некоја поголема навалица за склучување бракови.
“Про­цен­тот и бројот на барањата е во рамките на просекот секоја година во септември, како идеален месец за склучување на бракови. Впрочем ис­та­та бројка е и во мај и во јуни, така што ништо не излегува од нормала”, ве­ли Катерина Битровска од Управата за водење матични книги при Ми­нис­терс­тво­то за правда. \
За разлика од кај нас, во Бугарија тврдењата на данските астролози до­ве­доа до блокирање на тамошните матични служби.Бугарските двојки ба­ра­ат термин плус да можат да стапат во брак на овој ден.
Служ­би­те кажуваат дека бројката за 7 септември е дуплирана.