ВИДЕО: Млади македонци краделе пари преку фалс кредитни картички


Организатори на криминалната група се 23 годишно лице од Куманово и две лица на возраст од 21 и 22 години од Скопје, а други пет лица од Куманово, едно од Штип и едно од Кичево, како членови на групата.

apsenje hakeriМВР по спроведена повеќемесечна истрага под името „Сити“ вчера во акција во Скопје, Куманово и Штип приведе 8 лица, членови на организирана криминална група инволвирана во вршење криминални активности со изработка и употреба на фалсификувани платежни картички и вршење нелегални трансакции. Двајца членови на криминалната група се во бегство и се преземаат мерки за нивно пронаоѓање.

Против членовите на криминалната група до Основното Јавно обвинителство за гонење организиран криминал е поднесена кривична пријава за сторени кривични дела „злосторничко здружување“ и „изработка и употреба лажна платежна картичка“.

– Досега е утврдено дека членовите на криминалната група извршиле вкупно 87 нелегални трансакции на ПОС терминали на повеќе домашни банки во 22 продажни места во Скопје, Куманово и Штип во износ од 241.292 денари. Утврдени се и други успешни нелегални трансакции, со кои се стекнале со имотна корист од дополнителни 400.000 денари, а за кои се уште не е добиена официјална пријава од оштетените банки, информираше на денешната прес – конференција министерката за внатрешни работи Гордана Јанкулоска.

Извршени се претреси на вкупно шест локации и тоа една во Скопје и пет во Куманово, при што се пронајдени дел од предметите кои биле купени со фалсификувани платежни картички: парфеми, очила за сонце, мобилни телефони, таблет компјутери и друга брендирана стока.

При претресот во стан во Штип, каде што престојувале три од лицата, пронајден е уред за снимање податоци од платежни картички

Share Button
MK News

Автор инфо

No comments yet.

Остави коментар

UA-33057274-1