Следниот месец во Македонија ќе биде испорачан првиот од шесте патнички возови што за „Македонски железници – транспорт“ – Скопје ги произведува кинеската компанија ЦРРЦ.
Новата електромоторна патничка гарнитура денеска беше промовирана во фабриката на компанијата во градот Џуџо пред македонска делегација предводена од министерот за транспорт и врски, Владо Мисајловски.
Првиот ултрамодерен воз за македонските пруги.
Posted by Vlado Misajlovski on Tuesday, 7 July 2015
Возот е со три вагони со капацитет од 200 патници и можност за брзина до 160 километри на час, јави известувачот на МИА. Од ЦРРЦ, Македонија набавува уште една електромоторна и четири дизел гарнитури, кои, според министерот Мисајловски, треба да пристигнат до јануари следната година.
