Синоќа околу 19:00 часот избувна пожар во станот на позната докторка од Струмица, што се наоѓа во зградата до спортската сала “Партизан” во центарот на градот, јавува strumicanet.com.
Според неофицијални информации, пожарот започнал од балконот на станот кој се наоѓа на шестиот кат и ја зафатил кровната конструкција и дел од станот.
По брзата интервенција на Противпожарната единица на Струмица не е дозволено пожарот да се прошири и во останатите станови од зградата.
Причината за настанувањето на пожарот надлежните служби дополнително ќе ги утврдуваат, а во текот на утрешниот ден Противпожарната единица на Струмица ќе излезе со информација за синоќешната интервенција, јавува струмичкиот портал.
