Британката Силвија Прескот откри страшна тајна која ја мачела со децении: нејзиниот татко Оливер Гарсајд, со години ја мачел и сексуално злоставувал додека била тинејџерка.
Силвија не можела да ја раскаже својата приказна додека бабата била жива, но штом таа умрела, одлучила да отиде во полиција. Оваа жена, која сега е мајка на синови од 30, 29 и 25 години, сега жали што не заминала во полиција порано. Нејзиниот татко, кој сега има 68 години, веќе е во затвор, каде служи казна од осум години.
– Се надевам дека мојата приказна ќе им помогне на другите девојки да ги пријават своите душмани. Бев толку преплашена. Сето тоа се случуваше долго и беше многу одамна. Конечно собрав сила – раскажува Силвија.
Во текот на судењето, таткото-монструм се бранел така што велел дека ја злоставувал својата ќерка бидејќи немал пари за проститутки.
– Останав шокирана, каква е таа одбрана? Каков е тој човек? – изјавија Силвија.
Кошмарот на Силвија почнал со насилство кое не било сексуално.
Нејзиниот татко ја влечел за косата по целата куќа, барајќи секогаш се да биде чисто.
– Бев исплашена поради него. Тој и мајка ми се развеле кога сум имала една година. Живеев со баба ми до мојата 11-та година, а тогаш тој се појави и одеднаш сакаше да живее со мене. Првиот пат кога ме злоставуваше, знаев дека морам да се согласам на тоа, но никогаш не замислував дека работите ќе станат толку лоши – додала Силвија.
