Првите два од вкупно шест руски ловци „миг-29“ денеска пристигнаа во Србија. Новите авиони ќе бидат претставени на 20. октомври.
На српската војска во следните неколку дена ќе ѝ бидат испорачани вкупно шест ловци „миг-29“, со резервни делови, уреди, алати и вооружување.
Авионот „Ан-124 руслан“ на руската авиокопманија „Волга Дњепар“ во кој биле сместени првите две расклопени авиони слета на воениот аеродром во Батајница, во близина на Белград, попладнево околу 18 часот, а беше пречекан од високи воени офицери и тим од механичари кои ќе работат на склопување на авионите со помош на нивни руски колеги.
