Полицијата во Виена соопшти дека ги засилила мерките за безбедност бидејќи неколку европски престолнини се предупредени за можни напади со експлозиви и оружје во период меѓу Божиќ и Нова Година. Сепак, откажување на најавените настани, според проценка на полицијата не е потребно.
Виенските власти, биле предупредени на можни напади неколку дена во очи Божиќ.Предупредувањето стигнало од неидентификувана пријателска разузнавачка служба.
Според нивните зборови, пратен им е список на кој се наведени неколку имиња на потенцијални напаѓачи. Но, испитувањето на таа листа и други истраги досега не довеле до нови конкретни резултати.
Полицијата соопшти дека ќе биде засилен надзорото на местата на кои се очекува собирање на луѓе.
Златко Дукоски
