Викендов температури во минус – подгответе се за првиот снег во градовите

Новиот влажен бран кој го зафати нашето подрачје ги помести долгорочните прогнози за снег на пониските места. Според последните анализи, наместо на крајот од годината, снегот во градовите можно е да дојде уште на крајот од наредниот месец.
Сепак, тоа се долгорочни прогнози кои не нудат некоја посебна прецизност.
Затоа, на краток рок извесно е дека следи значително намалување на температурите, а утринските почнувајќи од викендот ќе почнат да се спуштаат и под нулата.
Најстудено утро се очекува да има на почетокот на наредната недела кога температурите ќе се спуштат и до 5 степени под нулата. Во текот на викендот, за прв пат утринските ќе бидат 2 степени под нула, а разведрувањето кое се очекува за време на викендот и почетокот на наредната недела, дополнително ќе ги спушти дневните температури, па во понеделник ќе имаме максимални 10, а во вторник само 7 степени над нулата.
Кога сме кај снегот и долгорочните предвидувања, метеоролозите велат дека најснежно ќе биде во втората половина на декември, но дека снежната покривка нема да се задржи, бидејќи врнежите од снег често ќе преминуваат во дожд, а температурите ќе бидат околу 5 степени максимум, додека утринските нема да одат под 5 степени под нулата.