Преку користење на апликацијата „Фејсбук камера“ и истовремено користење на ресурсите на Wi-Fi мрежата може да се влезе во телефонот и да се украдат сите информации на корисникот
Ако користите самостојна Фејсбук камера преку апликација која е верзија пред 1.1.2 најдобро е веднаш да ја надоградите поради сигурносните пропусти.
Фејсбук потврди дека популарната iPhone камера апликација има проблем со безбедносни пропусти кога телефонот е поврзан со јавна Wi-Fi мрежа.
Преку користење на апликацијата „Фејсбук камера“ и истовремено користење на ресурсите на Wi-Fi мрежата може да се влезе во телефонот и да се украдат сите информации на корисникот, вклучувајќи ги сите лозинки и кориснички имиња.
Овој пропуст го откри познатиот египетски хакер Мохамед Рамадан кој ги провери сите преостанати официјални Фејсбук апликации за време на работа преку Wi-Fi мрежа и утврди дека се безбедни.
Компанијата на Фејсбук наведе дека до сега не е забележан ниту еден случај на злоупотреба на овој безбедносен пропуст на оваа апликација и им препорача на корисниците што почесто да користат исклучиво мрежи на кои им веруваат.
