Внимавајте какво мелено месо купувате за утре – еве што може да ве снајде и на што да внимавате


Внимавајте како избирате и каде купувате мелено месо, ќебапи, плескавици и други производи што се прават од него, предупредуваат експертите. Научниците и надлежните ги советуваат граѓаните да внимаваат на рокот, бојата и на мирисот на месото, да избираат продажни места каде што се почитуваат хигиенските правила, а доколку нешто им е сомнително, да пријават и да го вратат производот, пишува Нова Македонија.

meleno meso– Купив смеса за плескавици од една месарница. Во пакувањето имаше формирано три плескавици, наредени во низа, а делови од нив се препокриваа. Беа на стиропорна подлога и обвиткани со најлонска фолија. Рокот на траење беше во ред. Меѓутоа, кога ги отворив и ги извадив настрана видов дека делот на кој се препокривало месото е модро, а плескавиците чудно мирисаа, т.е. почнуваа да смрдат. Ги фрлив, оти ми беше страв да ги приготвувам – вели Тодор Х. од Скопје.

 Плескавиците да не се допираат меѓу себе

Драгана Б., исто така од главниот град, се пожали дека во месарница во населбата во која живее иако избирала месо за мелење и забележала дека месарот во машината за мелење додава и други делови, наместо само избраното парче месо.

– Веројатно го меша со други парчиња месо. Мојата сосетка вели дека видела како ги повлекува од фрижидерот спакуваните мелени меса, ги меша со друго и пак ги пакува. Веројатно пред да им истече рокот ги мешаат со свежо – вели таа.

Плескавиците треба да се наредени во низа и да не се допираат. Експертите објаснуваат дека доколку оксидацијата на масното ткиво што се става во овие производи е во напредната фаза, производот може да е многу штетен за организмот. Во исто време тоа најчесто се чувствува преку непријатна миризба.
– Исто така, со оксидативни промени може да биде зафатено и масното ткиво во производот, при што доаѓа до формирање хидропероксиди, кои се непостојани соединенија. Како резултат на нивното разложување се создаваат алдехиди и кетони, кои учествуваат во формирањето на непријатниот мирис на производите. Така може да се јават непријатен мирис и вкус (алдехидна непријатност при претежно создавање алдехиди, кетонска при претежно создавање кетони) или кисел мирис и вкус (при што главно се создаваат оксикиселини). Најчесто овие промени на масното ткиво во производот се одвиваат во двата правци – вели проф. Кузелов.

Повеќе на – Нова Македонија 

Share Button
MK News

Автор инфо

No comments yet.

Остави коментар

UA-33057274-1