Околината на студентскиот дом „Гоце Делчев“ во населбата Тафталиџе и велосипедската патека на кејот на реката Вардар во населбата Аеродром повторно станаа сцена во која еден велосипедист секојдневно вознемирува припаднички на понежниот пол, со тоа што ја соблекува облеката и ги покажува интимните делови од телото, пишува „Нова Македонија“.
Социјалните мрежи се вжештија со информации за враќањето на манијакот, а очевидците веќе го дадоа и неговиот опис.
– Манијакот со велосипед повторно се појави во градот. Напаѓа девојки, а особено го привлекуваат разголени нозе. Станува збор за црномурест маж со крупни очи и секогаш носи капа на главата и ја покрива устата. Најчесто е облечен во спортска облека, а напаѓа и прекуден – пишува Ф. Јаневска на социјалните мрежи.
Кристина Чурлинова, жителка на општината Карпош, објаснува дека веќе неколку недели воопшто не се осмелува сама да шета низ населбата.
– Еднаш и мене ме бркаше, но успеав да побегнам. Тој е доста впечатлив, има околу триесет години и вози сив велосипед. Секогаш на вратот носи марама, која ја става врз устата кога има намера да нападне – објаснува Чурлинова.
Прочитајте ја целата сторија на „Нова Македонија“.
