Научници откриле дека земањето потврда од банкомат претставува изложување на бисфенол А (БПА) . За производство на хартија за вакви потврди се користи термичка хартија или хартија што реагира на температура и при подолго задржување раката ја менува бојата.
Истражувачите откриле дека оние кои околу два часа дневно се во контакт со ваква хартија имат зголемена концентрација на бисфенол А во урината. Но лицата кои користат ракавици при контактот немале промена на БПА во урината.
Од порано изложеноста на БПА е поврзувана со здравствени проблеми како негативно влијание на репродуктивната функција кај возрасни и развој на мозокот кај децата. БПА се користи во тврда пластика како што се оние во детските шишиња и конзервирана храна, но , исто така, може да се користи за производство на хартија.
Тенкиот слојна површината на хартијата која е осетлива на топлина по контакт може лесно да се пренесе на кожата, е објавено во списанието JAMA . Во истражувањето на оваа тема биле вклучени 24 волонтери од кои биле земени примероци од урина пред и после ракување со термичка хартија – еден дел со и еден без ракавици. Научниците откриле БПА во 83 проценти од примероците пред истражувањето, а по ракување со оваа хартија кај доброволците без ракавици имало присуството на БПА во урината кај 100 отсто од примероците, пренесува Daily Mail.
