Општина Центар почнува со спроведување на проектот „Зона на мирен сообраќај“, со што во цело Дебар Маало брзината на движење на возилата ќе се ограничи на максимум 30 км/ч.
Зачестените сообраќајни несреќи, густиот сообраќај, постоење на основно училиште, безбедноста на граѓаните, беа причините градоначалникот Андреј Жерновски да предложи воведување на популарно наречената „Зона 30“.
Со добивањето на Решението, Центар е првата општина во Република Македонија, која воведува ваква мерка, која е и препорака од Европската унија.
