Во Франција уапсен Миле Хаџиски, осуден за убиство на неговата девојка во Аеродром 1993 година.
Уапсениот македонски државјанин во понеделникот во Авињон е Миле Ханџиски, кој во Македонија се бара за убиство на неговата девојка во скопската населба Аеродром во 1993 година, информираат од македонското МВР.
Француските медиуми, како што пренесува дописникот на МИА од Париз објавуваат дека уапсениот е 41-годишен маж со македонско државјанство, кој бил баран од француската полиција поради убиство и грабеж, направени во Македонија и Швајцарија.
За лицето кое е уапсено во една куќа во Бедриде во Воклуз имало два меѓународни налози за апсење.
Криминалецот бил откриен со локализирање на неговиот мобилен телефон, откако неколку седмици го барала француската судска полиција. Во моментот кога Ханџиски бил уапсен го користел идентитот Зоран Томиќ. Тој располагал со повеќе идентитети, бил поранешен легионер и со претпоставка дека и припаѓа на бандата „Пинк Пантер“. Налог за негово апсење имаа издадено Македонија и Швајцарија. Тој успеал да побегне од швајцарскиот затвор Буа Мермет во Лозанo во мај оваа година.
Има дебело криминално досие, како осуда за убиство во Македонија во 1993 година, каде е баран за издржување на казната, и очигледно тој се криел во Франција при судењето во негово отсуство. Тој тогаш успева да се во вклучи во Легијата на странци на француската армија под туѓ идентитет со српско државјанство неоткривајќи го своето минато.
По излегувањето од армијата направил провеќе грабежи во Швајцарија, а се занимавал и со трговија со дрога. Јавното обвнителство на Ним ќе треба да одлучи дали тој ќе биде екстрадиран и во која земја ќе биде екстрадиран.
Од македонското МВР информираат дека се во контакт со француската полиција од каде што добиле известување за приведувањето на Томиќ, односно Миле Ханџиски.
