Во четврток во утринските и претпладневните часови нестабилно со врнежи од дожд ќе биде во северните, североисточните и северозападните предели. Во останатите предели, и во текот на денот ќе биде умерено облачно со сончеви периоди. Слаб јужен и југоисточен ветер, а во западните предели ќе дува умерен југозападен ветер. Утринските температури ќе се движат од -2°C до 5°C, а максималните дневни температури од 8°C до 15°C.
Во Македонија во петок ќе биде облачно и нестабилно со врнежи од дожд и ветровито. На планините над 1300 метри надморска височина со врнежи од снег. Ќе дува умерен јужен и југоисточен ветер кој ќе достигне брзина и до 30 км/ч. Утринските температури од 1°C до 8°C, а максималните дневни температури ќе се движат од 5°C до 13°C.
Нестабилното време ќе продолжи и во сабота. Ќе биде облачно со врнежи од дожд и ветровито. На планините над 1000 метри со врнежи од снег. Ќе дува слаб јужен и југоисточен ветер.
Во текот на доцните попладневни и во вечерните часови ветерот ќе го промени правецот и ќе дува умерен северен и северозападен,а во западните предели ќе дува умерен североисточен ветер. Снежната граница во текот на вечерните часови и во текот на ноќта ќе се спушти и на 500 метри, што значи дека над 500 метри врнежите од дожд ќе преминуваат во врнежи од снег.
Утринските темпертури ќе се движат од 2°C до 8°C, а дневните температури ќе достигнат до 4°C до 11°C.
Во недела имаме промена на временска состојба, конечно пониски температури кои се карактеристични за зимата и можност за врнежи од снег.
Во недела во Македонија ќе биде облачно со услови за врнежи од снег, ветровито и постудено. Ќе дува засилен северен и северозападен ветер, а во западните предели ќе дува засилен североисточен ветер. Температурите ќе бидат во опаѓање. Минималните температури ќе се движат од -4°C до 3°C, а максималните температури ќе достигнат до 0°C односно до 7°C.
