Миле Стојановски на возраст од 56 години од населбата Поток во Тетово беше најбрз меѓу тројцата верници кои се обидоа да го фатат осветениот крст на денешниот празник.
-Ова ми е четврта година што се фрлам по крстот и досега на двапати сум успеал да го фатам Светиот крст. Годинава очекувам Господ да ми даде здравје, среќа, мир, бериќет и најдобро како за мене така и за сите, рече Стојановски.- изјави Миле Стојановски.
Пред фрлањето на светиот крст во базенот во црковниот двор на соборниот храм „Свети Кирил и Методиј“, литургијата ја отслужи митрополитот тетовско-гостиварски г. Јосиф.
