Во Трибуналот почнаа да се случуваат мошне чудни работи. Одеднаш се појави голем број на заболени луѓе, особено од карцином, вели Дарко Младиќ, синот на Генералот Ратко Малдиќ
-Она што јавноста веќе го слушна е дека на Војислав Шешељ му се појавиле метастази на јетрата. Имам информации дека најмалку два наши офицера имаат рак. Тоа се луѓе кои се помлади од Шешељ и од татко ми, изјави Дарко Младиќ.
Како што знаете Горан Хаџиќ доживеа срцев удар и веке може да речеме дека станува збор за голем број српски притвореници кои се заболени од тешки болести. Тоа е статистичка бројка која укажува дека таму навистина нешто не е в ред со медицинската нега, бидејќи е нејасно како толку голем број луѓе заболуваат од рак. Тоа е загрижувачки.
Што се однесува до здравјето на татко ми, во овој момент неговата здравствена состојба е релативно стабилна. Тој годинава имаше седум месеци пауза и конечно успеавме да добиеме од судскиот совет во август годинава наместо пет работни дена да работи четири. Тоа е своевиден парадокс какви работи се случуваат таму, објаснува Младиќ.
