„Добар ден денеска е 10 август 2050 година и моменталната температура во градовите во Шпанија е меѓу 44 и 50 степени Целзиусови. Со овие зборови Светската метеоролошка организација (СМО), во соработка со шпанската државна телевизија ТВЕ, реши да го сврти вниманието на јавноста за загрижувачкиот тренд на раст на температурите поради глобалното загревање.
Ова видео е направео на основа на научни претпоставки и има за цел да ја подигне свеста на граѓаните за драматичните промени на временските услови на нашата планета.
Се претпоставува дека во наредните 30 години просечната минимална температура ќе порасне за 3 степени Целзиусови.
Според прогнозите на СМО, до 2100 година Шпанија ја очекува уште потопло време со раст на температурата од 5 степени, а на таа мапа на Европа, регионот на Балканот е облежан со потемна боја, бидејќи на нашите простори се очекува раст на температурите од дури 7 степени.
