Српскиот претседател Александар Вучиќ смета дека Македонија и албанија се во многу незавидна ситуација пред Самитот на Советот на Европа на крајот на јуни.
Наспроти оптимистичките очекувања од македонската влада за датум за почеток на преговори, Вучиќ прогнозира дека Македонија, како и Албанија, ќе добијат само тапкање по рамо.
-Македонија и Албанија се во многу незавидна ситуација, како што се претпоставува во јуни ќе бидат некако пофалени „да не се каже дека е катастрофа и дека ништо не добиле“ но нема да им се дозволи да ги отворат поглавјата“, изјавил српскиот претседател пред новинарите во Баку каде е во официјална посета.
За Србија, Вучиќ рече дека не се знае дали ќе остане 2025 година како рок за влез на земјата во Европската Унија.
„И ЕУ е свесна дека дури и да ги исполниме сите обврски – владеење на правото, слободи и така натаму, останува најтешкото прашање – односите со Приштина. Никој не знае дали ќе дојде до таму, можеме само да претпоставуваме“, рече српскиот претседател
