Императив на Договорот од Пржино е кристално чист предизборен и изборен процес и тоа мора да се реализира, порача лидерот на СДСМ Зораан Заев во вечерашната изјава за медиумите.
– Денешната изјава на Никола Груевски е директно признание дека поради него и неговата партија не се исполнети клучните делови на Договорот од Пржино и дека тој е причина за политичката криза во Македонија, рече Заев.
Тој ги повика граѓаните заедно, економски да ја кренат Македонија.
– Ве повикувам, сите граѓани на Република Македонија, сите заедно, да ја вратиме слободата, демократијата, правдата и европските вредности во нашата татковина, Република Македонија, потенцира Заев.
