На 5 јуни СДСМ ќе ја преземе одговорноста која ќе му ја дадат граѓаните, порача лидерот на СДСМ, Зоран Заев.
– Ова е уште еден пораз на Никола Груевски. Никола Груевски ја призна својата лична одговорност – нема услови за фер избори на 24 април. Никола Груевски и ВМРО-ДПМНЕ се обидоа да ја втурнат Македонија во драматична криза. Груевски се плаши од слободни и фер избори затоа што знае дека ќе ги изгуби. Ништо повеќе не зависи од Никола Груевски. Во Македонија мора да има и ќе има слободни и фер избори на кои сите граѓани и партии слободно ќе учествуваат. Во Македонија мора да се избере нова Влада со полн легитимитет – рече Заев.
