Над 2.000 лица се затрупани при лизгање на земјиште, што зафати село во планински регион во североисточниот дел на Авганистан, соопшти портпаролот на локалниот гувернер.
– Во селото живеат над 1.000 семејства, изјави портпаролот на гувернерот на провинцијата Бадахшан, додавајќи дека вкупно 2.100 мажи, жени и деца се заробени.
Претходно, висок полициски претставник изјави дека околу 500 лица се исчезнати и се сметаат за мртви.
Несреќатa се случила во авганистанската провинција Бадагшан. Причина за лизгање не земјиштето се поројните дождови.
Провинцијата Бадахшан е сиромашна и се наоѓа во планински регион. Таа се граничи со Таџикистан, Кина и Пакистан.
