На фотографиите за загинатите при падот на Боинг 777 на Малезија Ерлајнс во Украина некои патници се без облека. Еден маж на себе имал само чорапи, а една жена била само со градник
Експертот за авионски несреќи Алан Диехл вели дека такви појави се случуваат кога патникот е исфрлен од авионот или кога при падот е изложен на вртлозите на ветерот при падот кој се одвива со голема брзина. Во такви случаи ветерот ја „симнува“ облеката од жртвата во авионската несреќа.
Што се случува со патникот при ваква несреќа зависи од позицијата во авионот во која се наоѓал во моментот на експлозијата. Телата на патниците кои ќе излетаат од отворот на авионот најчесто ќе бидат „соблечени“.
Диехл објаснува дека авионот на Малезија Ерлајнс веројатно имал брза декомпресија при која луѓето на такви висини се онесвестуваат. Тој претпоставува дека повеќето патници кои загинале при падот не биле во свесна состојба, пренесува Јутарњи лист.
