194 луѓе во државава живеат со ХИВ/СИДА. Кај 25 луѓе оваа година им е потврдено дека се носители на вирусот ХИВ.
Според испитувањата 14 од заболените добиле ХИВ/СИДА преку хомосексуален однос, 10 преку хетеросексуален и едно од пренос преку мајка дете. Најголем број ново евидентиран има во Скопје 18, останатите се во Куманово, Богданци, Охрид, Крива Паланка, Штип, Струга, Тетово.
„Намалена е смртноста. Од 1989 до 2004 година од 55 болни 47 починале. Од 2005-та до 2013 година од 88 заболени починале 24“, објасни прим. д-р. Жарко Караџоски, Институт за јавно здравје.
Превентивата во сигурен секс и раното откривање, може да го намали на минимум бројот на заразени.
