Ел Хаџат медиа ценатрот, кој е еден од главните медиуми кој на Западот му доставува пораки од исламистите, го објави споменатиот видео запис под насловот – “Честа е во џихадот, порака за Балканците”.
Видео записот трае 22 минути, а во него на англиски јазик се говори за историјата на Балканскиот полуостров и муслиманските заедници во регионот, со посебен акцент на Албанија, Косово и Босна и Херцеговина.
На видео записот се прикажани припадници на исламската држава кои се токму од Балканот. Неколкумина од нив ги повикуваат останатите муслимани да им се придружат на бојното поле во Сирија и Ирак, каде можат “достоинствено и безбедно да живеат со своите семејства”.
Помеѓу идентификуваните исламисти од видео записот се Абу Билкис, познад по прекарот Ал Албани и Абу Мукатил, или Ал Косово, како и Абу Мухамед ел Босни, кој ги повика сите муслимани да направат хиџра (преселба).
– Многу од вас се жалат дека не можат да пуштат брада или да носат никаб. Сега е вашата шанса, направете хиџра, изјавил Абу Мухамед ел Босни, порачувајќи им на гледачите “да го вратат филмот наназад, во последната војна во Босна и Херцеговина”.
Како и во останатите пропагандни видео записи, џихадистите на оние кои не можат да емигрираат им порачаа да започнат напади против “диктаторите на Косово, Македонија и Албанија, како и на нивните војски”.
– Поставувајте експлозиви под нивните автомобили и домови. Земете отров и сипете им во јадењето или пиењето. Убивајте ги на секое место и каде и да стигнете, велат џихадистите на видео записот.
