Опозициската СДСМ останува на одлуката да ги бојкотира претстојните локални избори.
Централниот одбор на партијата на синоќешниот состанок ја потврди таквата одлука.
– Ние немаме намера да функционираме под ултиматум. Нашата одлука е недвосмислена. Без политички договор за излез од кризата која подразбира и обновување на легитимитетот на институциите, ние на локалните избори нема да учествуваме, изјави за Радио Слободна Европа, генералниот секретар на СДСМ Андреј Петров.
