Во повеќето европски држави расте отпорот против дополнителниот прилив на бегалци, без разлика дали е тој со или пак без квоти. По сè изгледа сега и Швајцарија ќе застане против непреченото преминување на мигрантите на своите државни граници, пишува Neuen Zürcher Zeitung.
Властите на конфедерацијата разговараат за воведување на гранична контрола, која да стави крај на непрекинатиот прилив на мигранти кои влегуваат на територијата на земјата незабележливо.
Бројот на бегалците и мигрантите кои пристигнуваат во Швајцарија од Италија е двојно зголемен во изминатата година. Ситуацијата е особено критична во пограничниот кантон Тичино, каде регионалните власти имаат уште поголеми тешкотии со бегалците и не ја исклучуваат можноста да возобноват контролните премини на границата барем како привремена мерка.
