Американец чувал хамбургер купен во 1999 година со цел да ги разубеди пријателите дека тој ќе го задржи својот облик поради конзервансите.
Дејвид Випл од американската сојузна држава Јута сакал да ги убеди своите пријатели за штетноста на брзата храна. За таа цел во 1999 година купил хамбургер од МекДоналдс што планирал да го чува месец дена и да им докаже дека нема да го промени својот облик. Но, тој целосно заборавил на него и повторно го пронашол неодамна.
Хамбургерот останал непроменет и Випл одлучил да раскаже за својот бизарен експеримент гостувајќи во една емисија.
По 14 години неговиот хамбургер не покажува знаци на распаѓање или скапување, но сепак киселите краставички повеќе ги нема. Випл се уште ја чува сметката од хамбургерот и сега сака со него да ги научи своите внуци да се хранат здраво. Одлично е што моите внуци можат да видат што се случува со брзата храна, изјави Випл.
