ЕУ ги казни технолошките компании „Инфинеон“, „Филипс“ и „Самсунг“ со 138 милиони евра, поради здружување во картел во Европа и местење на цените на чиповите за смарт картиците.
Германската, холандската и јужнокорејската компанија биле во дослух по пат на билатерални контакти остварени во периодот од септември 2003 и септември 2005 година, се наведува во соопштението на Комисијата.
Комисијата на јапонската компанија „Ренесанс“ и доделен имунитет поради откривање на постоењето на тој картел.
Компанијата „Инфинеон“ е казнета со 82,7 милиони евра, „Филипс“ со 20,1 милион евра, а „Самсунг“ со 35,1 милион евра, при што на Самсунг казната е намалена 30 отсто поради соработка со истражителите.
