САД именуваа во средата нов специјален претставник за муслиманските заедници низ светот, во времето кога Вашингтон се соочува со заканите од Исламската држава во Ирак и во Сирија, и прави обид да управува со политичките кризи во повеќето блискоисточни земји каде што се доминантни сунитските муслимани.
Американскиот државен секретар Џон Кери го именуваше Шаарик Зафар за нов специјален претставник и соопшти притоа дека неговата задача е да ги помогне напорите Стејт департментот. Улогата на Зафар е многу важна, бидејќи луѓето од сите вери патуваат и мигрираат низ светот „како никогаш досега во историјата“, изјави Кери додавајќи дека „Нашите религии и нашите судбини се нераскинливо поврзани“.
Новата функција беше воспоставена во текот на минатата 2013 година, а наскоро во канцеларијата на американскиот специјален претставник за исламот ќе бидат вклучени 5 експерти.
Шаарик Азафар десетина години работел во американските федерални агенции на проблемите важни за муслиманската заедница, како што се кршењето на човековите права, полицискиот надзор и безбедносните мерки на аеродромите.
