Шеснаесет годишно девојче од едно гостиварско село вчера вечерта се јавило на преглед во болницата во Гостивар и им кажала дека била противправно лишена од слобода.
По извршениот разговор на полицијата со девојчето во присуство на работник од Центарот за социјални работи, девојчето изјавило дека истиот ден околу 17 часот на враќање од продавница, во близина на нејзината куќа, застанал автомобил во кој имало три непознати лица, од кои еден на сила ја внел во возилото.
-По кажување на истата, со возилото се возеле околу 20 минути во непознат правец, по што влегле во напуштена хала, од каде околу 19.00 часот ја вратиле дома, информираат од полицијата.
Се преземаат мерки за целосно расчистување на случајот.
