Двојката Спурлок од Индијана, родители на 2 годишни близначиња Јослин и Шејлин, пред две недели ја славеле својата венчавка.
По само три дена од славењето, судбината им донела страшна трагедија. Па од смеа и славење, целото семејство било облеано во неизмерна тага.
На три дена од свадбата, родителите ги пријавиле двете близначки како изчезнати.
Мајка им ги оставила девојчињата со нивната баба, а двете близначки веднаш отишле во дневната соба и гледале телевизија. Во меѓувреме нивната баба заспала. Кога мајката Шејлин, по завршувањето на обврските се вратила, забележала дека нејзините ќерки ги нема.
Започнала панична потрага по двете девојчиња.
Пожарникарите и еден од соседите ги пронашле двете безживотни тела, во дворот на соседите, кои лежеле на водата која се насобрала на церадата со кој бил покриен базенот во нивниот двор.
Нивниот дедо, Џим Конли за Дејли Мејл изјавил дека девојчињата биле постојано заедно, дури спиеле во ист кревет.
Поради тоа двете девојчиња биле закопани во ист ковчег држејќи се за раце.
Многу од нивните сограѓани донирале пари за погребот, вклучувајчи го и пожарникарското друштво кое собрало 1000 долари.
Нивните родители, неодамна купиле нова куќа со голем двор, за да можат нивните две ќерки безгрижно да си играат.
За време на несреќата, соседите биле на одмор во Флорида, а кога се вратиле и разбрале што се случило, веднаш го тргнале мобилниот базен и размислуваат за преселба.
