Од Клиниката за инфективни болести во Скопје информираат дека денеска се починати двајца пациенти кај кои е добиена лабораториска потврда за присуство на инфлуенца А.
Пациентите 10 дена дена биле хоспитализирани на Инфективната клиника со тешка клиничка слика и повеќе хронични заболувања. Станува збор за маж на 65 години и жена на 74 годишна возраст, и двајцата се од Скопје.
Починатата жената била со хронична срцева слабост, хипертензија, илатерална бронхопневмонија и подолго време диспноична (со отежнато дишење).
Исто така,починатиот маж боледувал од карцином, со астма, дијабет, акутна бубрежна слабост,прележан мозочен удар и со тешка двострана бронкопнемовија.
И покрај спроведената антивирусна терапија и повеќедневните напори на лекарите кај пациентите е констатирана смрт во текот на денешниот ден.
На клиниката за инфективни болести во моментот се хоспитализирани 115 пациенти, од кои над 60 проценти се со клиничка слика на грип, а 10 се во потешка здравствена состојба и се третираат на одделението за интензивна нега.