Сликарот од Русија, Игор Егоров, инаку професор на штипскиот факултет за ликовни уметности по предметот реалистично сликарство,е автор на сликата која е дел од сценографијата од претставата „Вечна куќа“ со која синока беше отворен новиот барокен театар, пишува Либертас.
Егоров и неговата сопруга веќе две година се професори на факултетот за ликовни уметности а сликата за преставата ја работел извесно време.
Либертас од извори мегу сликарите дознава дека хонорарот за сликата бил за македонски прилики „дебел“, во рамките на милионскиот проект Скопје 2014.
Рускиот сликар според неофицијални извори добил дури 70 илјади евра за сликата а парите биле исплатени преку српска фирма која учествувала во изработката на ентериерот на театарот.
