Дваесет гости и четворица вработени во хотелот “Супер 8″ под постојан лекарски и епидемиолошки надзор. Двајца епидемиолози се кај лицата кои од синоќа се во карантин. По завршување на нивната работа, лекарски екипи од Здравствен дом Скопје ќе направат повторни прегледи и разговори со вработените и гостите околу здравствената состојба.
Според извори на zdravstvo24.mk, ниту кај еден од присутните нема некои сомнителни симптоми. Синоќа, само кај дел од нив е дадена терапија за спирување бидејќи биле вознемирени. Ќе останат во карантин до добивање на резултатите од примерокот на починатиот англичанец.
Според информации на zdravstvo24.mk, примерокот е пратен на анализа во лабораторијата во Франкфурт каде треба да потврдат дали станува збор за ебола или друго вирусно заболување, но поради мерки на претпазливост а имајќи предвид дека има од симптомите на ебола здравствените власти го водат како сомнителен случај. Од тие причини, возилото на Брза Помош со кое е превезен веќе починатиот синоќа е дезинфецирано и 24 часа нема да биде во употреба. Лекарскиот тим кој бил во возилото исто така е на Инфективна и ќе останат таму до добивање на резултатите. На Инфективна е и другарот на починатиот.
