Рускиот центар за арктички истражувања и неговиот директор Владимир Пушкарев забележале неверојатни фотографии од внатрешноста на ледениот кратер во Сибир.
На сибирскиот полуостров Јамал се формирал леден кратер кој ги натера научниците да размислуваат. Владимир Пушкарев и неговиот тим одлучиле да ја истражат причината за настанокот на овој природен феномен, пишува „Сајбирија тајмс“.
Името Јамал значи „крај на светот“, што дополнително ја симболизира појавата на овој мистериозен кратер.
Научниците сметаат дека експлозија на гас во внатрешноста на земјината површина се виновни за создавањето на овој кратер, нешто слично на оној во Атлантскиот океан од кој настанал феноменот познат под името „Бермудски триаголник“.
Пушкарев, лидерот на оваа научна мисија, за „Сајбирија тајмс“ изјавил дека со помош на алпинистичка опрема успеале да се спуштат до самото срце на кратерот.
На самото дно се наоѓа смрзнато езеро, чија длабочина е неполни 11 метри, тврдат истражувачите.
