Законот за хонорарите ќе претрпи измени. Со новиот предлог ќе има разлика меѓу висината на придонесите која ја плаќаат оние кои се вработени, односно имаат примања по основ на личен доход и оние кои се невработени и примаат исклучиво хонорар.
Доколку сте вработени, хонорарите под 21.300 (просечната нето плата во Македонија лани) нема да подлежат на придонеси и за нив ќе се плаќа само персонален данок. Доколку како вработени земат дополнителен хонорар повисок од 21.300 тогаш придонеси ќе плаќате на сумата која ја земате како хонорар минус 21.300 денари. На пример, како вработен, покрај платата земате и хонорар од 25.000 денари, придонеси ќе платите само на 3.700 денари, а на целата сума ќе платите персонален данок
Доколку не сте вработени, односно немате личен доход, придонеси треба да платите над секоја сума повисока од минималната плата, односно 9.590 денари. Значи, ако земате хонорар под оваа сума, плаќате само персоналец. Доколку на пример, земате 25.000 денари хонорар и не сте вработен, ќе треба да се платат придонеси на сума од 15.410 денари, односно хонорарот минус минималната плата.
Во предлогот не е прецизирано што ќе се случува во ситуација кога земате повеќе хонорари од различни места и како ќе се пресметуваат придонесите на нив. Доколку остане одредбата од веќе постоечкиот закон, тогаш ,ќе се собираат сумите, па од збирот, навработените ќе бидат ослободени за сума од 21.300 денари, а невработените за 9590 денари, а на остатокот ќе се плаќаат придонеси.
Прес24
