Семи Кејн Крафт
Семи била безбол ѕвезда и успевала сите да ги маѓепса со фрлањето на топчето со брзина од 113 километри на час, а напредувала како вистински спортист.
Со 13 години ја добила првата филмска улога, а во светот на глумата била седум години. Нејзината несреќна судбина завршува на само 20 години кога таа загинала во сообраќајна незгода. После стравичниот судар лекарите на лице место ја констатирале нејзината смрт.
Гери Колмен
Ексцентричното дете Гери Колмен своето телевизиско деби го имал во 1978-мата година во хит емисијата “Diff’rent strokes”. Тој е најпознат по фразата “Што зборуваш ти?”, како и по улогата на Арнолд Џексон, момчето кое било присвоено од белец. Таа серија била емитувана од 1978-мата до 1986-тата година, а Гери по епизода добивал 100.000 долари.
Сепак, успехот во работата не му пружала задоволство во приватниот живот, па неколку пати се обидувал и да се самоубие. Имал и пропаднат брак, а пател и од болести на бубрезите, поради што неколку пати ги оперирал бубрезите и срцето. Тој во 2010-тата година паднал во својот дом и добил епидурален хематом поради што бил во кома. Истиот ден починал, на 42-годишна возраст.
Мишел Томас
Мишел својата актерска кариера ја започнала снимајќи реклами, за подоцна да ја повикаат да биде дел од сериите “The Cosbi Show” и “Family Matters” каде глумела во сите сезони. 
На Мишел ѝ бил дијагностициран рак на стомакот поради што два пати била на операција. Операциите сепак не биле успешни а Мишел починала во 1998-мата година на само 30 години.
Џонатан Брендис
Џонатан веќе со шест години ја започнал својата актерска кариера со улогата во серијата “One life to live”. До деветтата година глумел во “L.A. Law”, “Who’s the Boss?” и “Murder She Wrote”. Неговиот вистински успех била научно-фантастичната серија “SeaQuest 2032” а улогата на Лукас му донела уметничка награда во 1993-тата година. 
После низата од успеси тој станал тинејџерски идол за многумина, а иако продолжил да ги нижи своите успеси и во дваесетите години, тој не можел да се пофали со совршен приватен живот. Во 2003-тата година се обесил во својот стан, каде го пронашол негов пријател. Иако пријателот веднаш изреагирал и повикал итна помош, Брендис починал и тоа на само 27 години.
Хедер Рурк
Младата Хедер Рурк уште со 5 години започнала да глуми. Само еден ден откако ја забележал Стивен Спилберг, таа ја добила улогата на Керол Ен во хорор филмот “Poltergeist”, а била ѕвезда и на неколку продукциски куќи.
Кога имала 12 години започнала да се жали на болки во стомакот поради што била оперирана. Нажалост, во текот на интервенцијата доживеала срцев удар кој бил предизвикан од труење при што починала на операционата маса.
Ли Томпсон Јанг
Ли Томпсон бил млада Дизниева ѕвезда и бил главен лик во телевизиската серија “The Famous Jett Jackson”. Имал помала улога и во филмот “Friday night ladies” како и во “The Hills have eyes 2”. Тој бил дел и од TNT драмата “Rizzoli & Isles” во која ја играл улогата на Фрост.
Дипломирал филмска уметност со одличен успех на Универзитетот Јужна Каролина, но иако бил успешен, актерот извршил самоубиство така што си пукал во глава.
