Заменикот на лидерот на либанскиот Хезболах Наим Касим изрази сомнеж дека воените судири во Сирија ќе бидат завршени во блиска иднина.
Според зборовите на клучниот сојузник на претседателот Башар ел Асад ослободувањето на Алепо од џихадистите е важно, но не и приоритетно.
Шеикот изрази уверување дека западната коалција на чело со САД која официјално бара соборување на Асад, сепак, не сака да се смени шефот на Сирија.
Одговарајќи на прашањето за иднината на таа земја Касим изјави дека едно од можните сценарија не само во Сирија, туку и во Ирак е исчезнување на тие држави од картата на светот и раѓање на нови држави на нивното место.
