Девојка и момче загинале денес откако настанала лавина во Пирин, во регионот на Банско, кај врвот Тодорка.
Наводно, жртвите сами ја предизвикале лавината, пренесува „ offnews.bg“.
Прво било откриено едно од телата, а малку подоцна и другото.
На местото работел целиот одред на Планинска спасителска служба – Банско, заедно со кучиња трагачи.
Оттаму препорачуваат скијачите и сноубордистите да не се оддалечуваат од пистите и да не навлегуваат во опасни зони.
Според „Блиц.бг“, загинатите се Бугари.
