Познатиот режисер Бред Брид наскоро го почнува снимањето на филмот за српскиот научник Никола Тесла. Медиумите шпекулираа дека Тесла ќе го глуми Кристијан Бејл, познат по улогата на „Бетмен“, а сега се појави и информацијата дека во главната улога ќе се најде Џорџ Клуни.
Сценариото за овој филм го напиша Дејмон Линдлоф, кој е познат како писател на сценаријата за „Ѕвездени патеки“, „Изгубени“ и „Каубојци и вонземјани“.
Филмот ќе се вика едноставно „Тесла“, а со тоа започнаа и гласините дека се работи за уште еден документарен филм за животот и работата на научникот.
Но сепак, овој филм сигурно ќе се разликува од останатите за Тесла, со оглед на тоа што се знае дека ќе биде научно-фантастичен филм. Тесла се среќава со вонземјаните со кои комуницира преку трансмитер кој сам го направил.
Филмот е во продукција на „Walt Disney“, а снимањето почнува следната година.
