Поранешниот командант на ОВК и пратеник во косовскиот парламент Фатмир Љимај вчера откако самиот дојде во зградата на Врховниот суд во Приштина, остана зад решетки.
Според информациите тој и уште 3 поранешни припадници на ОВК се обвинети и одреден им е 30 дневен притвор. Освен Љимај уапсени се и Неџми Красниќи, Насер Красниќи и Насер Шаље. Обвинението го поднесе тужителот на Еулекс Маурицио Салустро.
Обвинението е за воени злосторства извршени во логорот Клечка над цивили од српска и неалбанска националност како и врз припадници на српската војска и полиција во текот на 1998. година“, соопштуваат од Еулекс.
Освен за воени злосторства тој се товари и за злоуптреба на службената положба и за организиран криминал направен во времето додека бил министер за телекомуникации и сообраќај.
