Лицето кое изминатата ноќ беше рането во експлозијата во западниот дел на Загреб, признало дека го поставило експлозивот, како и бомбата од пред два дена што експлдира на железничката линија крај железничката станица Подсусед, соопшти загрепскиот весник „Вечерњи лист“.
Според неофицијална информација од извор близок до истрагата, загрепската полиција не ја потврдила официјално оваа информација, ниту информацијата за приведувањето на распит на 14 лица по експлозијата од изминатата ноќ, за да не влијае на истрагата.
Раненетиот 53-годишен В.Б. е префрлен во болница со рани, предизвикани од парчиња од бомбата, и се наоѓа под полициска заштита.
